Reshjet krijojnë situatë të vështirë në Shkodër. Buna ka dalë nga shtrati duke përmbytur lagjen Livadhe, ndërsa është rritur ndjeshëm dhe prezenca e ujit nëpër rrugët e qytetit. Uji ka vërshuar nëpër gjithë lagjen Livadhe duke përmbytur oborret. Ndërsa deri në këto momente ku prezenca e ujit arrin deri 40 cm, nuk ka ujë nëpër shtëpiat e banorëve të lagjes Livadhe. Ndërkaq bëhet e ditur se Prefektura, Bashkia dhe emergjencat civile po ndjekin në vazhdimësi situatën e krijuar nga reshjet në Shkodër dhe gjithë zonën e përmbytur prej disa ditësh. Ekipe të emergjencave dhe të ushtrisë janë prezente me forca e mjete për të ndihmuar banorët në rast përkeqësimi të situatës. Fotot paraqesin realisht situatën më të fundit në lagjen Livadhe.
Zani Veriut