Lajmi // Shkodra gati per sezonin e ri turistik.Gati plani i masave .Takim ne Prefekture..

Në një takim të zhvilluar me Komitetin Rajonal të Zhvillimit të Turizmit në Qarkun Shkodër, prefektja Majlinda Angoni dhe përfaqësues nga njësitë e vetëqeverisjes vendore, institucionet qendrore dhe vendore, si dhe degët territoriale, diskutuan sfidat dhe prioritetet për organizimin dhe menaxhimin efektiv të sezonit turistik veror 2025.

Gjatë takimit u prezantua Plani i Veprimit, i cili synon të sigurojë një koordinim të ngushtë ndërinstitucional për menaxhimin e rregullt të sezonit turistik dhe për të nxitur zhvillimin e qëndrueshëm të turizmit gjatë gjithë vitit.

Prioritetet kryesore të Planit përfshijnë:

• Garantimin e rendit dhe sigurisë publike në zonat turistike dhe plazhe;
• Menaxhimin efikas të mbetjeve urbane dhe inerteve;
• Sigurinë ushqimore dhe çertifikimin sanitar të operatorëve turistikë;
• Furnizimin e qëndrueshëm me ujë të pijshëm dhe energji elektrike;
• Funksionimin e shërbimeve shëndetësore dhe të urgjencës mjekësore;
• Kontrollin e mjeteve lundruese informale në zonat ujore.

Prefektja Angoni kërkoi angazhim të plotë nga çdo institucion për zbatimin e masave të planifikuara, duke theksuar rëndësinë e bashkëpunimit të ngushtë dhe veprimeve konkrete në terren për një sezon turistik të suksesshëm dhe të sigurt./RealitetiPost