Kulturë
Muzikë
Në Tiranë do të hapet një tjetër zyrë e rëndësishme, me 30 agjentë amerikanë që do të hetojnë krimin e korrupsionin në nivelet më të larta.
Kështu është shprehur eksperti i çështjeve ndërkombëtare, Kreshnik Osmani, i cili tha se kjo është një nga arsyet e vizitës së sekretarit amerikan të Shtetit, Anthony Blinken në Tiranë.
Osmani u shpreh se kjo zyrë do të hetojë edhe korrupsionin Europian dhe do të jetë më e rëndësishmja në Europë.
Ky lajm nëse konfirmohet paralajmëron telashe për “peshqit” e mëdhenj të korrupsionit. Me SPAK dhe 30 agjentë të trajnuar amerikanë shanset që t’i shpëtojnë llogaridhënies janë të pakta.
“Ka edhe një lajm që e kam ruajtur për ju. Burime që kam preferuar të mos u përmendet emri, njoftojnë se një nga arsyet e Blinken në Tiranë është se këtu do të hapet një zyrë tjetër e rëndësishme, që do të ketë 30 agjentë amerikanë që do të merren me hetimin e korrupsionit më të lartë shtetëror.
Do të jetë e veçantë. Do hetojnë krimin e korrupsionin në nivelet më të larta, do të ketë dimension më të madh sesa Shqipëria dhe do të jetë zyra më e rëndësishme në Europë. Nuk e di nëse mbivendos SPAK, në dukje ashtu duket. Pavarësisht se ata kanë marrë mbështetjen e Blinken, amerikanët kanë vendosur të kenë një zyrë tjetër”, tha Osmani.
