JOQ- ALBANIA :Reçi ,kater vite pa drita.Tonin Marinaj para zgjedhjeve e ka pase bllokun plot me premtime…tash i ka harruar..

Banorët e fshatit Reç në Malësi të Madhe kaë denoncuar mungesën e energjisë elektrike që vazhdon prej katër vitesh dhe faturat e larta që arrijnë mbi 40 euro çdo muaj. Sipas tyre, punonjësit e bashkisë me kryetar Marinaj nuk kryejnë kontrollin e nevojshëm të matësve, ndërsa situata është përkeqësuar për shkak të shtyllave të prishura, të cilat nuk janë zëvendësuar nga autoritetet përgjegjëse.

Ata kërkojnë ndërhyrje urgjente për riparimin e gjashtë rrugëve dhe lagjeve të fshatit dhe theksojnë nevojën për një monitorim më të mirë të shërbimit elektrik. Banorët kërkojnë që fondet e planifikuara për energjinë të përdoren për zgjidhjen e problemeve dhe jo për qëllime të tjera, duke theksuar rëndësinë e zbatimit të premtimeve ndaj komunitetit.

“Përshëndetje JOQ, si jeni! I bëj thirrje kryetarit të Bashkisë Malësi e Madhe, Tonin Marinaj! Në prag të votimeve, blloku juaj ka qenë i mbushur me premtime, të cilat dita-ditës po kthehen në mashtrime për popullin! Fshati Rec çdo ditë është pa drita dhe më e keqja, çdo fundmuaj fatura vjen mbi 40€, ndërsa punonjësit tuaj nuk vijnë kurrë për të bërë kontrollin e sahatit. Ju lutem, merrni përsipër mbikëqyrjen e gjashtë rrugëve dhe lagjeve në Rec. Nuk na duhen asgjë përveç dritës, sepse për katër vite kemi vuajtur pa energji elektrike dhe arsyeja janë 10 shtylla që juve nuk po i ndryshoni. Ju bëj thirrje ta merrni situatën në dorë sa më shpejt. Nëse doni të lini një imazh të mirë tek populli, mos merrni fondet për vete, por veproni sipas premtimeve që keni dhënë, që edhe ne të jemi të kënaqur me punën tuaj! Ndaj lekët menjëherë për 10 shtyllat dhe mos i merrni të gjitha për vete“, shkruan banori.