Dajç-Situata drejt normalizimit. Grup pune nga Prefektura për raportin teknik

Në zonat e përmbytura gradualisht po rikthehet normaliteti. Prefektja e  Shkodrës z.Majlinda Angoni ka parë nga afër situaten në fshatin Dajç i cili gjatë ditëve me reshje ka përjetuar një situatë mjaft të veshtirë. Në takimet me banorët, tashmë në një situatë që po rikthehet drejt normalitetit si pasojë e ndryshimit të  kushteve atmosferike, Prefektja Angoni ka thënë se një grup pune me specialistë nga  Prefektura po harton një raport të detajuar teknik i cili do ti dërgohet Drejtorisë Rajonale të kullimit në Lezhë për të mundësuar ndërhyrje në argjinaturat dhe kanalet kulluese me synimin që të shmangen situatat e përmbytjeve në vitet që vinë. Raporte të tilla teknike do të bëhen edhe në fshatra të tjerë që rrezikohen nga përmbytjet.