Bashkia M.Madhe: Luftë kundër kultivimit të kanabisit

Bashkia dhe strukturat e policisë në rrethin e Malësisë së Madhe i shpallin “luftë”  kultivimit të kanabisit. Kreu i Bashkisë  z.Tonin Marinaj ka zhvilluar gjatë ditës së sotme një takim me Krerët e Komisariatit të Policisë në Koplik. Tema e takimit ka qenë  intensifikimi  i luftës  me të gjitha forcat e mjetet kundër  tentativave për mbjelljen dhe kultivimin e bimëve narkotike në territorin e Malësisë së Madhe. Burime për Zani Veriut  bëjnë të ditur se të dy palët po hartojnë plane të përbashkëta për goditjen  e fortë të fenomenit dhe përballjen e ashpër me ligjin e gjithë atyre që tentojnë kultivimin e kanabisit në Malësi. Në takim ishin prezent dhe Administratorët e Njësive  Vendore dhe Kryeinspektori i policisë bashkiake!